影片
更多
2022-06-02
66 浏览
𝑩𝑼𝑹𝑮𝑬𝑹 𝑾𝑨𝑹 𝑨𝑳𝑬𝑹𝑻 🚨 越嚟越多美式快餐店爭相加入香港嘅漢堡包爭霸戰🍔！嚟到灣仔梗係要搭吓「叮叮」～ 沿著電車路，大家又有無發現座落咗一間充滿美式風格、超級型格嘅漢堡快餐店— BOY N BURGER呢❔❕📍 #dia_灣仔/ 環境 Environment / Boy n Burger 的環境走歐美時尚風格，湖水綠色磚牆加上橙色吊燈，令人好似置身美劇入面成日見到嘅科幻場景！仲有餐廳招牌公仔「Bobby Boy & Pals」巨型燈箱，同埋牆上「MAKE BURGERS NOT WAR」嘅slogan，營造出明晰嘅線條，讓人眼前一亮！/ 食物 Food /🍔 超級波比 Big Bobby $80嚟到快餐店當然要試下最基本嘅Burger通同炸薯條套餐啦！呢個巨無霸🍔真係做得幾出色，無咩可以彈。芝麻漢堡包未至於好香脆，但勝在夠鬆軟得嚟唔會好濕笠笠。牛肉漢堡扒有三大塊，煎得超juicy，一啲都唔嚡，再夾住半溶嘅芝士，簡直係絕配！酸瓜、生菜、蕃茄、洋蔥都好夠份量，食到最後啖啖都咬到！自家秘製醬汁都好惹味，整體都好滿足！😊套餐包薯條/薯粒/沙律+飲品！我地想健康啲，特登試下個沙律🥗。
/ 環境 Environment /
Boy n Burger 的環境走歐美時尚風格，湖水綠色磚牆加上橙色吊燈，令人好似置身美劇入面成日見到嘅科幻場景！仲有餐廳招牌公仔「Bobby Boy & Pals」巨型燈箱，同埋牆上「MAKE BURGERS NOT WAR」嘅slogan，營造出明晰嘅線條，讓人眼前一亮！
/ 食物 Food /
🍔 超級波比 Big Bobby $80
嚟到快餐店當然要試下最基本嘅Burger通同炸薯條套餐啦！呢個巨無霸🍔真係做得幾出色，無咩可以彈。芝麻漢堡包未至於好香脆，但勝在夠鬆軟得嚟唔會好濕笠笠。牛肉漢堡扒有三大塊，煎得超juicy，一啲都唔嚡，再夾住半溶嘅芝士，簡直係絕配！酸瓜、生菜、蕃茄、洋蔥都好夠份量，食到最後啖啖都咬到！自家秘製醬汁都好惹味，整體都好滿足！😊
套餐包薯條/薯粒/沙律+飲品！我地想健康啲，特登試下個沙律🥗。青蘋果菜絲沙律入面主要係椰菜絲同紫椰菜絲，沙律醬酸酸甜甜，味道好清新！雖然汽水係任斟好抵飲，但我都唔太想飲汽水🥤，所以揀咗凍朱古力！凍朱古力唔會太甜，幾好飲，飲完覺得唔夠喉！🥺
🍔 美式燒牛扒潛艇堡 Steak Sandwich $90
平時食Subway食潛艇堡食得多，唔知呢度嘅燒牛扒潛艇堡會唔會更加有驚喜，所以我地都嗌咗呢個全新口味試吓！
麵包質地比較硬身，醬汁唔算好多，比較鬆散。建議大家落單嘅時候可以同店員講聲切開兩半，食得方便啲！
餐廳用咗英國西冷牛排🥩，比較薄身，配上蕃茄、火箭菜同醬料，份量好多，一定夠飽！不過我自己比較鍾意漢堡嘅口感多啲！👻
🍔 芝士辣肉醬薯條 +$60
除咗單點，都可以選擇跟餐，嗌個Combo Set，包特色芝士辣肉醬薯條同埋一杯飲品！我地揀咗Somesby Apply Cider🍏🍺 ，唔想飲酒精類飲品都可以嗌果汁🧃㗎！
呢份薯條🍟鋪滿辣肉醬、芝士碎、墨西哥辣椒及青蔥，辣肉醬辣辣地好惹味，趁熱拉開薯條仲可以見到芝士拉絲！
/ 服務 Service /
餐廳和一般快餐店一樣，採用自助形式取餐。店員大部分都係外籍，主要講英文。
/ 價錢 Price /
價錢比起傳統快餐店當然係偏貴，不過漢堡包質素不錯。
/ 其他 Others /
▪️餐廳以自助形式提供汽水，有檸檬茶、可樂、雪碧、梳打水等選擇，並不提供免費飲用水。
▪️餐廳佔了全層，洗手間🚾位於餐廳門口入面，男女各有一格，清潔程度良好。
≡※≡※≡※≡※≡※≡※≡※≡※≡※≡※≡※≡※≡※≡※≡※
Boy n Burger
灣仔莊士敦道206-212號208 Johnston地下3號舖
≡※≡※≡※≡※≡※≡※≡※≡※≡※≡※≡※≡※≡※≡※≡※
张贴
