影片
更多
2018-03-12
647 浏览
天朗氣清，起身拉開窗簾見到好天氣，心情都好啲 ！難得今日同大少一齊放假，決定就去食個Brunch拍下拖。頭痕緊去邊度食時，靈機一觸諗起之前去朋友度拜年時經過間Cafe，就去呢間Cafe Revol啦 ！入到Cafe，見到坐滿哂，除咗我哋之外都仲有兩對情侶一齊等位。聽講呢間Cafe店主去過韓國學習一段時間，之後再返嚟香港開咗呢間Cafe，所以完全比客人感受到濃濃嘅韓味呀～ 水泥牆水泥地，充滿工業風味。一入門口放住一架單車，牆上有Joker嘆緊咖啡，仲提醒客人們： Why So Serious? 玩味都好濃呀 ！Cafe用半自助形式，客人需要自己去Cashier 落單，店員會為客人送餐。我好Buy呢個做法，一來可以減低餐廳工作量，減低成本自然定價唔會太高；二來減低客人壓逼感，真係決定好先去落單，唔會因為怕店員而趕住落單。買完後，店員會比個號碼牌你放喺枱，咁我哋就等食喇 ！清新田園早餐，一聽到個名就知道一定有唔少蔬菜。個人非常十分推介呢款早餐，蔬菜類食品呢度處理得好好，新鮮又Juicy，感覺好清新！兩塊麵包亦都係加分位，有啲果仁仲有乾果，剛剛烘完真係好好味。唯一不足就係個炒蛋，略嫌稍稍似蛋皮
入到Cafe，見到坐滿哂，除咗我哋之外都仲有兩對情侶一齊等位。聽講呢間Cafe店主去過韓國學習一段時間，之後再返嚟香港開咗呢間Cafe，所以完全比客人感受到濃濃嘅韓味呀～水泥牆水泥地，充滿工業風味。一入門口放住一架單車，牆上有Joker嘆緊咖啡，仲提醒客人們： Why So Serious? 玩味都好濃呀 ！
Cafe用半自助形式，客人需要自己去Cashier 落單，店員會為客人送餐。我好Buy呢個做法，一來可以減低餐廳工作量，減低成本自然定價唔會太高；二來減低客人壓逼感，真係決定好先去落單，唔會因為怕店員而趕住落單。
買完後，店員會比個號碼牌你放喺枱，咁我哋就等食喇 ！
清新田園早餐，一聽到個名就知道一定有唔少蔬菜。個人非常十分推介呢款早餐，蔬菜類食品呢度處理得好好，新鮮又Juicy，感覺好清新！兩塊麵包亦都係加分位，有啲果仁仲有乾果，剛剛烘完真係好好味。唯一不足就係個炒蛋，略嫌稍稍似蛋皮，薄咗少少，如果厚啲口感一定更豐富 ！
Sunrise
8 浏览
0 赞好
0 留言
好期待杯咖啡，因為見到唔少評語都大讚呢度嘅咖啡，真係無失望喎！咖啡好香，飲得出係鮮奶沖，唔係UHT奶，而且奶泡打得非常好，滑到不得了 ！溫度亦剛剛好，唔會過熱而令到加入嘅蜜糖變酸，一口接一口咁好快就飲哂喇 ！
大少揀咗精選早餐，有燒牛肉係出面比較少有。乳酪酸度亦都好適中，有啲燕麥同生果，感覺健康 ！
Flat white
8 浏览
0 赞好
0 留言
张贴
