Crabus Restaurant & Bar (已結業)

早前相約朋友到銅鑼灣區Crabus Restaurant & Bar相聚, 為朋友慶祝生日食海鮮晚飯。店裝潢好有歐陸水手風情, 地方寬敞,好休閒好relax。我及朋友都選擇 CRABUS COMBO $498/位包任食沙律,小食,意大利粉及意大利飯首先送來清新的田園沙律及香脆可口蒜蓉包。接著小食有炸薯條、炸薯圈、洋蔥圈,全都十分脆脆,是佐酒不錯小食。主角來了,由店員Shake一 shake 海鮮與自選醬汁撈埋一齊。有四款醬汁選擇,我地選擇惹味泰式黃咖哩汁。CRABUS COMBO十分豐富,有大大隻的波士頓龍蝦,啖啖肉的麵包蟹,清甜的松葉蟹腳,彈牙的貴妃蚌,西班牙八爪魚,卜卜蜆,海蝦,粟米,新薯仔, 鮮甜海鮮配上惹味辣辣地泰式黃咖哩汁,味道更開胃豐富好味了！鮮蕃茄醬意大利粉  這意大利麵口感彈牙,麵條掛滿鮮蕃茄的汁,帶酸酸甜甜十分開胃可口。