影片
更多
2021-07-28
1988 浏览
Bff升職，雖然他表示人工只是象徵式加咗少少，但都唔介意請我食大餐，餐廳由佢話事，最後決定食浜燒料理~「漁獲浜燒」係一間好高質既餐廳，浜既意思就係「岸邊」，而浜燒就是岸邊即捕即燒，保留海產最鮮味既意思~我哋點咗小食、刺身&波士頓龍蝦活貝浜燒盛合，龍蝦大大隻，好生猛，仲有大大盤海鮮，目測非常新鮮~刺身盛合六款盛合內有6款刺身，聽講全部海鮮都係日本每日時令直送，我最鐘意就係生吞拿魚腩，肉質肥美，魚油豐富，有入口即化既口感; 另外，三文魚油花雖然唔及吞拿魚腩，但脂香味濃郁，肉質鮮嫩; 油甘魚肉質油潤有彈性; 池魚鮮甜爽口; 帆立貝柱肉圓大厚實，入口嫩滑鮮甜; 赤貝彈牙爽脆，好好食~軟殼蟹唐揚軟殼蟹好大隻，外層炸到金黃色，炸漿唔厚，口感好酥脆，唔油膩，蟹肉厚身鮮味，而旁邊伴有沙律菜，當然，我覺得配牛油果會更加好~波士頓龍蝦活貝浜燒盛合其正當我哋食緊刺身既時候，店員就已經幫我哋燒緊龍蝦及海鮮味~推介! 波士頓龍蝦好厚肉，肉質Q彈，帶有燒烤香味，而龍蝦頭既蝦膏好甘香，回甘味重; 活文蛤用上湯烹調燒煮，味道份外清甜，蛤肉集Q彈、鮮甜、煙韌、爽脆於一身，食完好想再encore~活北寄貝用咗清酒同牛油去
「漁獲浜燒」係一間好高質既餐廳，浜既意思就係「岸邊」，而浜燒就是岸邊即捕即燒，保留海產最鮮味既意思~
我哋點咗小食、刺身&波士頓龍蝦活貝浜燒盛合，龍蝦大大隻，好生猛，仲有大大盤海鮮，目測非常新鮮~
刺身盛合六款
盛合內有6款刺身，聽講全部海鮮都係日本每日時令直送，我最鐘意就係生吞拿魚腩，肉質肥美，魚油豐富，有入口即化既口感; 另外，三文魚油花雖然唔及吞拿魚腩，但脂香味濃郁，肉質鮮嫩; 油甘魚肉質油潤有彈性; 池魚鮮甜爽口; 帆立貝柱肉圓大厚實，入口嫩滑鮮甜; 赤貝彈牙爽脆，好好食~
軟殼蟹唐揚
軟殼蟹好大隻，外層炸到金黃色，炸漿唔厚，口感好酥脆，唔油膩，蟹肉厚身鮮味，而旁邊伴有沙律菜，當然，我覺得配牛油果會更加好~
波士頓龍蝦活貝浜燒盛合
其正當我哋食緊刺身既時候，店員就已經幫我哋燒緊龍蝦及海鮮味~
推介! 波士頓龍蝦好厚肉，肉質Q彈，帶有燒烤香味，而龍蝦頭既蝦膏好甘香，回甘味重;
活文蛤用上湯烹調燒煮，味道份外清甜，蛤肉集Q彈、鮮甜、煙韌、爽脆於一身，食完好想再encore~
活北寄貝用咗清酒同牛油去煮，貝肉厚實彈牙，清酒煮法入口有陣陣酒香，而牛油煮法就令到北寄貝帶有濃濃奶油脂香~
鱈場蟹腳入口啖啖肉，帶有海水味，用燒烤烹調方法，焦香味令蟹肉變得更鮮味，肉汁仍然可以保留~
日式千層蛋糕
蛋糕細膩鬆軟， 加上忌廉香濃幼滑，入口就似食緊雪糕蛋糕一樣~
张贴
