心之食堂 (裝修中)

約兩個Fd食飯，大家都係港島區，所以就係銅鑼灣搵左間日本餐廳試下～心之食堂。鋪面空間大約可以容納廿人左右，我地星期二晚去，19：00入座無耐已經好快坐滿人。食物方便，點了招牌菜“心之蛋捲”，還有全條鰻魚飯石鍋飯，麻醬蕃茄，牛肉飯，牛舌，吞拿魚壽司，炸蟹肉薯餅除左牛肉飯既牛肉勁硬之外，其他都正常，無特別好味，只有全條鰻魚石鍋飯係最正。鰻魚份量真係幾多，而飯加埋石鍋既熱力形成既飯焦，混和鰻魚汁確實美味。到埋單時以為網上book就有全單85折，但原來有condition，要每人夠250先有。無睇清楚無計啦，但食得飽飽每人150都ok既。