老百姓火鍋刺身 (已結業)

我同男朋友都係個湯精🧚🏼所以對湯底可以飲嘅火鍋真係情有獨鍾☺老百姓火鍋刺身呢度所有嘅湯底都主打可以先飲湯後打邊爐🥘！第一次嚟食 要飲就當然飲招牌推介我地揀咗 湯底非常香濃雞湯底加上花膠 螺頭 哈密瓜仲有半隻雞同雞腳 真材實料而且鍋底好大好多湯未開始打邊爐我地已經每人先飲咗幾碗😂頂級安格斯牛頸脊好嫩滑油花分佈好靚好均勻 就算淥完仍然食出濃濃嘅油脂香🤤即炸響鈴炸到金黃酥脆 真係名乎其實脆如響鈴配上酸甜醬汁 口感鬆化 開胃惹味👍🏻浸入湯底又可以充分吸收濃郁嘅湯汁 勁邪惡🤤另外連我鐘意食嘅炸芋件佢地都係即炸㗎上枱嘅時候仲係脆皮熱辣辣🙊搞到我忍唔住就咁食咗2件之後我地仲叫咗招牌四寶丸手打豬肉丸最有驚喜 食落彈牙有肉汁🥰牛丸味道濃郁 墨魚丸口感結實Q彈 蝦丸爽口鮮味十足大蜆鮮甜肥美呢度仲有難得遇到嘅牛骨髓😋質感好軟滑唔講唔知佢仲好有營養價值㗎食完仲有佢地自家製嘅桂花糕做甜品最後講返 其實個湯底本身好足料可以留意返叫火鍋料嘅份量因為我地叫完先發現完全食唔曬😂😂秋意漸濃 可以約埋三五知己嘆返個高質火鍋😛