奏鐵板燒日本料理 (已結業)

不嬲鍾意香口食物，而本人又特別鍾情日本料理，所以上網揾資料，終於俾我揾到呢間奏。鐵板燒日本料理，我同男朋友食咗個風味蟹餐set，盛惠$1388，有牛有魚又有蟹，高級食肆來講，呢D材料賣呢個價錢，絕對接受！一般豬牛羊鐵板燒食得多，所以今次我地食蟹，估唔到係咁鮮，邊個話海鮮一定蒸先好味？聽鐵板師傅講，呢度嘅蟹好味在啲醬汁，用咗多種蔬菜熬製而成，鮮甜到不得了，加上隻蟹本身夠靚，D羔係多到咇晒出嚟，色香味具全。值得一提係呢度嘅牛，先放落鐵板略煎，只落少量黑椒，跟住就將已切塊的牛放在鐵板上嘅爐，用大塊熱嘅岩鹽烘住，由客人自己控制牛肉嘅熟度同鹹度，客人同廚師好有互動，成餐飯驚喜處處、絕無悶塲！