阿一豬扒酸辣米綫

营业中

休息中

呢間位於西營盆嘅阿一豬排米線一直都人頭湧湧，今日筆者趁早放lunch，於是同朋友一齊黎呢度試下傳聞中嘅神級豬排。一入到黎，因為時間尚早(筆者12點已經到達舖頭)，於是即刻就已經有得坐，一坐低筆者同朋友就已經直接叫左阿一豬排米線。筆者作為一個唔食得辣嘅foodie，只係叫左清湯做湯底，並無試到酸辣湯底。豬排米線非常快就上到，而豬排並無好似一般食肆咁幫你切碎做一舊舊，而係直接一塊塊擺係碗米線上邊，非常有份量感。豬排咬落去唔會話太過硬同難嚼，反而入面嘅肉質係鬆軟，加埋略為煎脆嘅外皮，實在令人忍唔住一淡接一淡。另外，湯底入面有住非常之多嘅花生，但係佢哋並唔係一齊擺左落去煮，而係之後先加落去碗米線，所以非常好嚼，同淋嘅米線形成強烈對比，當你食厭左其中一種口感，就可以轉另一種食。