西餐大排檔 (已結業)

西餐仲可以大排檔？一上到餐廳就見到好大好sharp既門面 ，好有情調 裏面裝潢比較溫馨 lunch set有6個選擇，有沙律+湯+主菜+飲品+甜品，相當豐富。 另外仲可以加錢要個海鮮拼盆+餐酒，好抵。order完就先上餐包，唔係普通貨式，個飽夠熱，外脆內軟，好味 凱薩沙律配煙三文魚，蔬菜新鮮，麵包粒夠脆。乳酪芒果蝦沙律，好好味！芒果超甜，蝦亦爽口，底有乳酪，上面淋左黑醋，一d都唔會膩。當日餐湯係海鮮肉骨茶，湯入面有魚有蝦有肉，湯汁溫和唔會太濃，飲完唔會口乾，非常鮮味。 主菜分別要左鮑魚海鮮大會同肉眼。海鮮大會即係加左白汁，白汁有洋蔥所以特別甜。海鮮都幾多，有帶子，鮑魚，魚，蝦。魚上菜時皮仲係脆既 ，蝦已去殼，相當貼心，飽魚彈牙唔會硬。肉眼牛肉味濃，要左5成熟餐飲既奶同糖係分開上既，個人比較超歡呢種做法，因為好多時外面既餐廳少甜都係好甜。 最後甜品係奶凍，呢個真係好食，奶又香又滑，甜度剛剛好，藍莓都好甜。一個set份量都幾多，總結黎講食物質素高，用料有用心，餐包甜品細節位都留意到，相當滿足既一餐。