廟街玉子燒 (已搬遷) 新店位置

之前放學考完試，心情大好，要放縱一下自己，去開廟街，見到好吸引既流心芝士玉子燒😍流心芝士玉子燒單係賣相就夠，一端上黎，香噴噴，一切開，入口有好豐富口感，咸蛋黃魚皮，明太子，三式芝士，日式叉燒，整個玉子燒味道好討好，同時食到好多配料，芝士香濃，咸蛋黃魚皮好得意，香帶點脆，第一次食，十分好吃，比起好多日式食肆嘅玉子燒更出色！面上灑上滿滿蟹子同鏗魚絲，令整個玉子燒更好味👍🏻另外外賣左個鐵板小食，魷魚鬚同雞軟骨，我選左辣，個人比較喜歡吃辣，好香呢！辣度適中，魷魚鬚🦑🐙煙韌又夠味;而雞軟骨香脆可口，彈牙，加入七味粉同蜜糖，辣得過癮又香氣四溢，特別配啤酒正🍻