影片
更多
2019-01-14
112 浏览
好耐無過一餐可以用食神入面薜家燕嘅對白嚟形容，好好食呀！今日同朋友兩個人喺銅鑼灣行完街，諗唔到食乜嘢，食日本嘢就無死啦，所以就去咗焱丸水產。一入到去，發現同去咗日本無分別，無論擺設、裝修，仲有個魚池，都十足日本嘅水產店同居酒屋，唔講比人聽，應該可以呃到人飛咗一轉日本，哈哈！因為好肚餓嘅關係，我哋都叫咗幾多嘢食，有海鮮沙律、三色刺身、甜蝦刺身、雜錦天婦羅、露荀煙肉牛油燒、白蛤磯燒、蟹味噌甲羅燒、烏賊磯燒、龍蝦鍋，仲有飲品蘋果燒酎！當然啦，最快到一定係海鮮沙律同刺身。沙律作係開胃菜，佢絕對做到佢嘅目的，個汁酸酸地，一啲都滯，仲愈食愈開胃，而且啲菜都好新鮮，仲有入面海鮮種類有幾款，絕不欺場，最特別嘅係沙律加咗穀物片，令成個沙律口感層次更多，正！而三色刺身、甜蝦刺身方面，可以用三個字形容，厚、鮮、肥美！每一片三文魚、油甘魚、帶子都切到好厚，朋友都懷疑係將兩塊當成一塊，除咗咁之外，刺身完全無雪味，入口即溶，食完魚油香仲停喺口入面。甜蝦本來以為係一般放題細細隻咁，點知比想像中大好多，叫大蝦刺身都不為過！前菜之後就到熱食，雜錦天婦羅新鮮炸起，拎過嚟時候，仲有煙出，正。入面有幾隻大蝦，同埋唔同蔬菜。佢
一入到去，發現同去咗日本無分別，無論擺設、裝修，仲有個魚池，都十足日本嘅水產店同居酒屋，唔講比人聽，應該可以呃到人飛咗一轉日本，哈哈！
因為好肚餓嘅關係，我哋都叫咗幾多嘢食，有海鮮沙律、三色刺身、甜蝦刺身、雜錦天婦羅、露荀煙肉牛油燒、白蛤磯燒、蟹味噌甲羅燒、烏賊磯燒、龍蝦鍋，仲有飲品蘋果燒酎！
當然啦，最快到一定係海鮮沙律同刺身。沙律作係開胃菜，佢絕對做到佢嘅目的，個汁酸酸地，一啲都滯，仲愈食愈開胃，而且啲菜都好新鮮，仲有入面海鮮種類有幾款，絕不欺場，最特別嘅係沙律加咗穀物片，令成個沙律口感層次更多，正！
而三色刺身、甜蝦刺身方面，可以用三個字形容，厚、鮮、肥美！每一片三文魚、油甘魚、帶子都切到好厚，朋友都懷疑係將兩塊當成一塊，除咗咁之外，刺身完全無雪味，入口即溶，食完魚油香仲停喺口入面。甜蝦本來以為係一般放題細細隻咁，點知比想像中大好多，叫大蝦刺身都不為過！
前菜之後就到熱食，雜錦天婦羅新鮮炸起，拎過嚟時候，仲有煙出，正。入面有幾隻大蝦，同埋唔同蔬菜。佢無厚厚嘅粉一齊炸，所以唔係食粉，真係食到入到嘅嘢，而且唔會愈食愈油！最驚喜除咗大蝦香同脆之外，就係有洋蔥天婦羅，好清新。
而另一個熱食就係露荀煙肉牛油燒，好香牛油味，露荀亦絕唔簡單，大大條，而且同煙肉、牛油味好夾，三樣嘢成為一體！
跟住就嚟到今餐其中一個大亮點，燒海鮮！今次叫咗三樣，白蛤磯燒、蟹味噌甲羅燒、烏賊磯燒，三樣都鮮絕銅鑼灣。白蛤每一隻都好肥大，而且加少少清酒，個海水味、鮮甜味即時提升幾倍，如果唔係太飽，我可以食十份！蟹味噌甲羅燒就有蟹肉、蟹膏、蟹籽，一隻蟹最正嘅部分盡在其中，蟹控者必點之物，而且燒完之後，味道更濃郁，加上少少燒焦香，味道一流。順帶一提，個蟹殼打卡呃Like一流！
到今餐另一個重點，龍蝦鍋！龍蝦鍋一到，十級豪華，啲料滿到差啲流出嚟。除左有原隻龍蝦之外，仲有幾隻蛤、日式粉絲、菇、菜等。龍蝦肉大大舊，鍾意食肉快感嘅朋友，可以一試。而個鍋嘅湯底好清甜，好健康，食完我仲飲咗兩碗湯。
飲品方面，我就揀咗蘋果燒酎，扮去咗居酒屋嘛。佢唔會加好多冰，沖淡晒杯飲品，抵讚，飲到尾仲有蘋果香同酒精嘅濃烈，正。
食完今餐之後，好滿意，除咗好似去咗日本之外，食品質素亦非常之高，好耐無食過一餐可以用好好味嚟形容！
最後，餐廳啲男、女侍應都好有禮貌，而且會主動收碟、幫忙燒烤，又會同客人介紹食物，值得表揚！
张贴
