牛匠石燒 (已結業)

今晚朋友揀咗去食石燒牛，真的是滿心期待！一來大家好耐冇見，二來真係未試過。餐廳地點位於尖沙咀嘅金馬倫道，位置非常方便。餐廳入面設有卡位，坐得舒服，而裝潢極具日系感。牛匠極上盛盒套餐有十款不同的牛部份可以享用，包括極上一口牛、安格斯牛小排、鹽燒牛肋骨肉、嚴選封門樓、特選牛五花等。而且利用生菜包著牛肉和蒜片，唔單止口感極佳，味道都一流。👍🏻燒嘅時候會用牛脂作為油，燒熱左就可以開始燒肉食。鹽燒薄切牛舌薄切牛舌超級爽口嫩滑，並帶有濃濃牛味。日本A4鹿兒島牛肩肉牛肩肉肉質柔軟細膩，淺粉紅色嘅雪花紋勁吸晴！其脂肪含量適中，薄薄一片一煎即熟，肉味香濃油脂爆香可口！湯烏冬甜甜的湯底配襯着嫩滑的烏冬，十分好吃！味素飯一見到個流心蛋已經心心眼😍！所以都急不及待把流心蛋加進充滿飯素的米飯，一食之後簡直停唔到口。牛匠彩虹水果茶水果茶非常足料，有晒彩虹七隻顏色嘅水果，所以水果味特別香濃。芝士奶蓋四季春奶蓋濃厚，芝士味突出，整體十分香滑。四季春飄散出濃郁的野花香，茶湯甜順。簡單的一餐我和朋友已經非常飽足，下次絕對可以再encore。