牛牛日式火鍋放題 (北角匯二期) (已結業)

呢間坐立喺北角北角匯嘅日式牛肉放題火鍋新開咗冇幾耐同幾個朋友仔去食，餐廳裝修鮮明簡約，衛生程度良好，入座後準備同朋友大快朵頤！由於係午飯時段放題嘅時間只有60分鐘，我同朋友好急咁揀咗個鍋底，呢度嘅職員推介釣魚湯佢哋話老闆都讚好，於是就即管叫下，我其他朋友就點左骨膠原魚湯。另外牛女方面我哋揀咗澳洲M6，價錢大概每人$200樓下，整體性價比都好高。啲牛好快到咗，切到雪花咁樣好靚，另外仲有碟豬，出邊亦都有多達20款嘅配料可以選擇，我最鍾意食烏冬、萵筍、木耳同埋蕃茄！個湯底飲落又唔會太鹹，出邊自助茄湯底都算不錯。最後要讚一讚呢度有Movenpick雪糕，而且仲有好多唔同嘅口味，結帳之前通常都大排長龍，大家要早啲出去食啦。