美味特色款式特別深宵宵夜之選
一直有聽過呢間老字號嘅蓮香樓，最近出咗宵夜之選，都幾多款式同埋幾特別。
今次第一次去食，見到個環境非常之有特色，叫咗一啲平時比較少見嘅菜色食下。
1.蓮香一夜情（$148）
其實係經過一晚處理再炸嘅黃花魚，口感非常香脆，連個魚頭都可以食埋，雖然係炸嘅，但係成個感覺又唔會話非常油膩，入邊嘅魚肉依然保持到嗰陣香味，同埋滑嘅口感。
2.山城麻辣雞煲（$178/半隻）
佢會連埋一個gas 爐上，一路熱住，但係佢又好神奇，一路熱住但肉嘅口感依然保持到滑同有彈性。我哋叫咗小辣，非常之入口，而且唔會太鹹，配料仲有一啲豆腐卜，可以索埋啲汁咁樣食🍽️🍽️🍽️
3.千島炸蝦球（$108)
個炸皮非常之香脆，厚薄度適中，入邊嗰隻蝦好大隻，而且好有口感，香口美味邪惡之選😋😋😋
4.牛魔王炒飯（$148）
呢個飯又係非常之香口，佢炒得好乾爽，有鑊氣，粒粒分明，但係又唔會感覺太油膩，牛肉嘅份量都好慷慨，啖啖都食到唔同嘅配料。😋😋💕
另外佢茶都好飲，服務亦很好👍
店員介紹了蓮香樓會最新推出月餅，價錢睇落都幾合理，買月餅又多一個選擇🥮
