享慢煮意 (善慶街) (裝修中)

開心星期五， 又同同事食好西。 今日坐叮叮去到目的地， 再行一陣就到普慶街"享慢煮意"。Lunch 時間坐無虛席， 要坐上吧枱先有得食。 不過店員好細心話， 如果有返位就調比我地。 果然有一台no show, 就轉比我地。是日午餐美國頂級牛腹扒配香煎鵝肝龍蝦汁蟹肉伊麵美國頂級牛腹扒配香煎鵝肝， 大大塊鵝肝， 煎得金香， 入口即溶， 鵝肝的味道香氣， 喺口喺鼻徘徊， 非常精彩。 鵝肝油份適中， 唔會太油膩。牛腹扒慢煮， 牛味濃， 肉質嫩滑， 有口感， 唔係入口即溶Feel， 好味。龍蝦汁蟹肉伊麵， 個龍蝦汁味道濃烈， 好creamy, 蟹肉份量多， 味道似龍蝦伊麵， 但呢款菜好食好多。