火鍋撚 (日富里百好大廈) (已結業)

今日難得收早，就同朋友去試吓新野，好好彩嗰日係平日唔使點等位就有得入去食，地理位置喺西環一出地鐵站下午分鐘就到非常方便，即入到去環境好優美座位之間非常闊落，有足夠嘅空間去比侍應過。之後開始點餐，我地點左兩個鍋一個係白肉鍋，另一個係豬肚鍋之後點左本地手切肥牛同埋安格斯肥牛仲有牛柏葉，墨魚滑，四寶丸，生菜，仲有我最鍾意食嘅象拔蚌刺身，刺身方面非常鮮味，最適合打邊爐前郎下個口，而熟食方面我地點左炸雞軟骨，炸響鈴響鈴方便比較特別佢係用蛋黃去咋所以食落去比較香口，牛肉方面大概放5秒至8秒就已經食得口感一流，食完打邊爐之後仲有甜品送非常體貼值得加分，而且店員會為你介紹每一樣嘢食應該落幾多秒亦都係非常之細心。