龍平沾麵製作所

相约同事LUNCH到康怡AEON食lunch, 顺道辨年货, 无意中发现AEON入面新开咗间沾面小店。设有堂食角落, 无加一服务费。提供多款沾面、拉面跟丼饭, 每款沾面底跟食材都一样, 都包括有两片龙平自家制叉烧片、半只半熟蛋、笋、葱。不同之处在于每款汤底。沾面以石锅滚热辣上台, 制作需时, 所以点单后店员都给我取餐提示器, 可以到堂食角落静待。石锅中嘅沾汁散发阵阵香气。极上3L广岛蚝龙虾沾面 HK$1183L广岛蚝size果然好大只, 好肥美, 吉列皮超香脆, 一咬蚝味juicy浓郁, 正!!龙虾沾面汤底浓郁, 甘香味浓, 易挂汁, 汤底中仲有好几粒爽口嘅龙虾肉。沾面为常温, 面质弹牙; 自家制叉烧片有惊喜, 唔会过于油腻之余又几嫩。特制赤海老沾面 HK$79呢款汤汁鲜香回甘, 虾膏味突出, 还有些少樱花虾, 更显香气。沾面都附上冻煎茶, 正好食完沾面为口中降温。