影片
相关文章
之前已经食过呢间沾面好几次，觉得都几好食，尤其是个蟹粉沾面，谂住今次带埋屋企人食啦，点知中伏😢揾咗位坐底已经即刻手机落单，等咗20分钟都未话有就出去睇下，仲未有！可能店员忙住处理外卖单啦，我地等咗30分钟就出去问下职员究竟有未？🥲佢话而家整紧，话今日缺人，等阵有嘅时候就会行过嚟话我地知🙏最后等到第45分钟真喺觉得好离谱，出咗去睇下究竟有未？？！终于见到有啲堂食嘅餐摆咗出嚟，可能店员忙到都唔得闲分边个打边个，最后都喺我地自己见到，自动波拎餐🥲一句唔好意思都无。。。喺咪老板唔喺到就咁样？如果知道会等咁耐真喺唔会食呢间。。。Btw筷子汤匙都几污糟下🫠
继续阅读
喺社交平台睇到拉面店嘅宣传，作为一个蟹面 🦀铁粉见到88蚊都ok几吸引就特登去太古城试吓。其实唔洗加料+$20都够蟹粉捞面🍜。面就几有弹性，蟹粉够多膏/多料又香食得几过瘾，见佢系个盒入面浸住都几满足。加埋一齐调味都几好，啖啖料😋。啲份量都几啱我一个女仔食，食哂又唔会济。个茶 ☕就正常味咁款，食完个面有啲口干湿吓𠮶口。食堂嘅环境当然冇餐厅咁舒服/有私隐，但胜在唔洗等位。如果唔介意食堂既环境都应该嚟试吓。
继续阅读
上网见到太古城Aeon新开咗呢间日式沾面，睇d相劲吸引，第一时间去试吓😋-极上3L广岛蚝龙虾沾面 $123上枱时d龙虾汤喺石锅度，系好热辣辣，不停滚紧。试一试啖汤，龙虾味比我想像中浓，就咁饮会偏咸，要夹起d沾面浸落汤度食，就刚刚好啦。汤入面有两小旧龙虾肉。沾面份量算多，同埋粗身，食唔晒😅有两块叉烧，都几大块同厚身，味道出奇地好㖞👍🏻炸蚝就正常发挥啦，我觉得可以净系点龙虾沾面都够饱。呢个餐免费送冻嘅京都宇治玄米茶。总结味道唔算好惊艳，但可以一试的👍🏻
继续阅读
同行既友人嗌左个蟹粉沾面😃，叫做正正常常有啲油👌🏻除左个蟹粉有啲冻之外，佢碗面喺呢间餐厅黎讲已经唔算难食。赤海老沾面真系有吓亲我😅，一上黎个汤完全系生粉水😀唔系浓汤既杰，系勾芡𠮶种杰，究竟落几多羹生粉先做到🫢，唔知以为自己食紧三丝炒面，不过个面底换左拉面咁解🙂↕️唯一好既系个汤够热，上到张枱度仲系滚到冒泡的🥵就算佢温度够热碗面都真系唔太掂，个沾面汤真系好杰好杰。。希望店家可以研究下点样整浓个汤底，其实沾面汤重要既系味道，唔系个质地🤝。
继续阅读
上次食呢间嘅沾面炸蚝好好食今次试佢嘅炸鸡饭热辣辣脆Juicy虽然都几肥，但系食得好滋味🤣饭量好多同埋炸鸡，所以食到好干有蛋黄酱点溏心蛋唔够重酱油味，但系好流心
继续阅读
您可能会有兴趣的...