漁獲浜燒 (已結業)

和閨蜜去銅鑼灣shopping 同埋食餐好嘅，她訂咗「漁獲浜燒」，因為主餐牌有7折優惠。店舗裝修帶點日本feel，唔錯。我哋點咗：浜燒活海鮮（$676）賣相感覺很豐盛的一大盤海鮮上枱，有生蠔、魷魚、日本北寄貝、大蝦、白貝及松葉蟹脚。全程有專人在旁為我們燒食物，用料上乘，鮮甜味亦足。我最鍾意嘅係：燒蠔十分肥美，食時輕灑點檸檬汁，令肉質更鮮香美味；魷魚外面燒到微焦香，肉質彈牙爽口，配以醬汁，很惹味。配上我的巨峰提子酒及閨蜜的梅子酒，令我倆彷如走進舌尖上的日本之旅。滿到瀉嘅極上北海丼定食（$168）已包括沙律、麵豉湯、前菜。內有甜蝦、帶子、蟹棒、魷魚及三文魚子，刺身及三文魚子的油脂的香氣，配以香糯嘅日本珍珠米，每一口也充滿北海道風味。其實已經很飽，但閨蜜仍嚷着要食雪糕😆，她的番薯雪糕（$ 68）番薯味濃好香滑；我的柚子雪葩（$ 68）用原個柚子盛住雪葩，微酸微甜，味道很清新，為這頓午餐畫上甜美句號💕。