隨心 (已搬遷) 新店位置

放工去咗鰂魚涌搵朋友食晚餐，因為要就返佢喺附近返工。一向以為鰂魚涌無乜餐廳可以食飯，不過佢話原來都有好多唔同類型嘅餐廳，西餐、日本菜、中式都有選擇。佢最尾推介隨心，佢話佢平時都會去食晏，味道好價錢又唔貴。點咗幾個小菜share嚟食，啫啫芥蘭、麥皮蝦、胡椒味肉骨茶、炒貴刁。炒貴刁鑊氣好夠，一攞到埋枱已經聞到好香，配料好豐富，D蝦都好大隻，味道濃郁，好食。啫啫芥蘭多算嫩，唔會有菜渣，煲仔上熱辣辣，夠香味，好正。胡椒味肉骨茶都幾重胡椒味，不過唔會辣，好香，排骨上面嘅肉好腍，一咬就甩咗出嚟。下次要再嚟，味道真係唔錯，菜式選擇又多。