浜燒太郎 (已結業)

去將軍澳踩單車，經過將軍澳海濱附近，見到有幾間餐廳，環境唔錯，就決定踩完單車去食晚餐。我地見到呢間日本餐廳「浜燒太郎」，門面裝飾特別，我地又鍾意食日本野，就決定試下。去到時間尚早，未有太多人，餐廳內裡環境闊落，裝飾好有日本feel。踩完單車實在太肚餓，快快落order。我地兩個人都叫左4樣野食，食物份量都唔少，食到好飽。精選刺身拼盤（三種）$178 - 有牡丹蝦、吞拿魚、油甘魚超新鮮，尤其油甘魚，鮮甜爽口，連我朋友唔太喜歡食魚生，都搶着食👍🏻。牛舌、帆立貝串燒 $38+$36牛舌爽口，燒得剛剛好，帆立貝大大粒，唔會燒到乾爭爭，仲好新鮮多汁。稻草烤安格斯牛排 $168朋友是牛控，叫到牛一定叫來食，牛扒來到我地嘩嘩聲，好大件，好香，聞到都已經流口水，食落牛味充足，又淋又香，好快咁比我地食晒。豬骨拉麵煮雞蛋 $98豬骨湯濃郁，叉燒大大塊，仲有半隻溫泉蛋，拉麵非常爽清，呢個拉麵好直得推薦。今晚食得好滿足，原本好想試餐廳的海鮮燒，但實在太飽，下次踩完單車跑完步一定會再來試埋佢。