白鬍子炸魚薯條 (已結業)

我一直都几钟意喺午饭嘅时间，同其他上班族一样，走到天星码头，随着阵阵嘅凉风，感受海边嘅舒畅。虽然码头附近都有好多美食，但系多数系连锁店。我哋希望揾啲特别啲嘅嘢食，于是拣咗呢间。我哋喺呢间店铺买咗啲小食，然后喺附近坐低，度过左一个钟嘅下午，然后再返公司作战工作。呢间系以外卖形式，冇提供座位，另外有一间同一个集团嘅餐厅喺上环中环中间，𠮶间有位，之前都试过，觉得味道唔错，于是今次决定帮衬呢一间。1) 招牌炸鱼薯条 (⭐⭐⭐⭐⭐):炸鱼香脆，唔会太油腻，味道新鲜，有鱼嘅香味，落啲柠檬汁可以去除鱼腥味。至于薯条，金黄色嘅薯条看上去吸引，几厚身，食落去有咬感，而且热辣辣，啱啱炸起。成个餐份量都唔少，食落都几饱！2) 黑椒柠檬炸鱼薯条 (⭐⭐⭐⭐⭐):我个朋友就叫咗黑椒版嘅炸鱼薯条，又系配柠檬汁。贵少少，不过味道就丰富啲。炸鱼薯条有唔同嘅酱汁选择，我哋选择咗芥辣酱同埋泰式辣椒酱，调味料唔辣，为薯条同炸鱼添上一层口感。对我黎讲，酱汁系不可缺嘅！价钱方面，薯条加炸鱼一共＄70左右，以中环食嘢嘅价钱来讲，唔算太贵。如果第时在黎呢边揾嘢食，呢间都系唔错嘅选择。