鱘昧 (已結業)

今日同朋友係紅磡站附近收工，見尖東橋附近新開了這間日式鐵板燒店，馬上預約來試試！先來的是小食，合桃小女子，聽個名都覺得好特別！食落十分香脆可口，加埋芝麻同木耳絲，甜甜的，口感一流！刺身好高質！牡丹蝦十分鮮甜又大隻！赤身係含脂量少既吞拿魚，魚背肉質實，不含油脂，富滿滿的蛋白質！中拖羅比赤身脂肪量多，魚香持久，十分甘香！最後厚厚的大拖羅係壓軸！一入口滲出既魚油好正，入口即溶，味道濃郁，很肥美！最後食埋個燒飯糰，脆口紫菜包著日本正宗珍珠米飯糰，米飯質感軟硬適中，很滿足！