大喜屋 (已結業)

今日去到銅鑼灣做野, 難得出到黎依邊, 緊係揾D好野食啦, 咁岩我朋友又話好耐無食過日本放題, 好想食刺身咁話wo, 咁就揀左銅鑼灣間大喜屋啦. 其他大喜屋都去過, 依間大喜屋算係裝修得幾靚好肚餓呀, 第一樣緊係要食左刺身先啦, 佢刺身種類都幾多, 連小有既劍魚刺身都有, 劍魚刺身食落口吾會太冰, 有濃濃的魚味, 睇得出解凍刺身下了一番苦工, 另外三文魚刺身都係最美味的腩位的部位, 入口非常肥美, 油脂十足, 好美味呀, 而且仲有長腳蟹食, 不過味道一般般之後必食既梗係燒牛舌啦, 食落非常惹味, 牛味十分濃郁, 加上檸檬汁, 小小酸味, 食入口肥而不膩, 好正另一個亦都係去日式放題必食的..............燒菠蘿, 燒到熱熱地, 另菠蘿入面的甜味更顯突出, 而且非常多汁, 忍吾住要食多幾件整體d野都吾差, 有機會再揾朋友黎再食過