菠蘿冰室 (已結業)

今日行過屋企附近見到間新裝修餐廳，俾佢既裝修吸引左就行入去試下，環境好舒服，可能唔係煩忙時間，唔使等位就有得坐啦，正。見到餐牌好多野都好吸引，我就試左呢個特別餐，貪佢有我最愛既雞脾。一黎到，隻雞脾真係超大隻，睇得出係即炸架，勁好味，肉質好滑，唔係炸到乾哂身果隻我，加分，講真，好味過好多大大連鎖大餐廳。之後個通粉都好出色，係小時候既味道。希望呢間餐廳可以Keep住水準啦，我以後會多D幫襯，可以繼續食隻大大雞脾。