黯然燒魂

無懈可擊，少少店舖，家庭式經營，非常有心製作。
串燒食咗牛舌心，燒白鱔，豬腩荔枝卷，雞肝，牛舌同雞肝我都要求七成熟，老闆亦即係大廚亦都認我要求做到七成熟，完全表現到食物嘅新鮮，原汁原味，牛舌心好爽口夠油脂，雞肝勁滑勁立口！

白鱔係鹽燒亦都燒得啱啱好，好脆口，亦都有一啲焦香嘅邊邊，跟住食過豬腩荔枝卷消滯亦都啱啱好。燒腸就現成嘢，係辣嘅，食唔到辣唔好試～

再嚟就食大廚自家製雞肉棒！仲有燒蟶子同埋鹽焗花螺，海鮮真係處理得好好！！
最後燒茄子啦，海鮮粥，仲有牛肉炒烏冬！仲有燒菠蘿！！全部超水準製作！