有田和牛專門店 (水渠道) (已結業)

今晚又出街買外賣食，試下呢間鋪面幾靚既餐廳呢間有田和牛專門店既店面細細，但係裝修都落足心機，充滿日本風情，更有大大個燈籠寫住和牛，即刻好想試下。去到和牛專門店，當然要叫和牛，我就要左一個「卵之極上和牛」，和牛配上滑蛋，食落甜甜地，滑蛋非常滑之餘又充滿蛋香，和牛口感亦都唔錯。仲有叫左一份「華之盛丼」呢個係餐廳既招牌菜，採用左宮崎和牛，簡單煎香，呈現牛肉最真摯既味道，口感嫩滑！除左和牛之外，呢度都有「辛口泡菜赤豚丼」，就算唔食牛都可以試下。豚肉配上泡菜，感覺比較韓式。食落味道香辣惹味。