和宴

营业中

休息中

由頭到尾都可以食到宮崎和牛嘅豪華盛宴。一開始就上咗特製宮崎和牛韃靼配法國麵包、海鮮韓式煎餅以及迷你沙律做前菜。沙律口感清新開胃，韓式煎餅酥脆可口，宮崎和牛韃靼擁有濃郁嘅牛肉鮮味，配埋法國麵包一齊食真係好好味。之後就有連續食咗唔同款嘅宮崎和牛，包括咗宮崎和牛薄切牛板腱配日本蛋、薄切牛舌芯、上牛排肉、特上牛肩肉眼仲有鹿兒島豬五花肉。雖然唔同款嘅宮崎和牛有唔同嘅口感，但係都係大同小異，每款都係鮮嫩多汁，食落去好有咬口，散發住真真正正嘅牛肉風味，絕對係頂級嘅和牛盛宴。跟住仲有海鮮蝦、原隻帆立貝同埋野菜。唔單止和牛好食，連海鮮都鮮味十足，蝦食落去好新鮮嘅味道完全冇腥味。食完之後梗係要食埋黑糖珍珠雪糕做結尾，簡直係完美嘅享受。