和牛燒肉‧純

我本人其實真係幾鍾意食牛，小至牛肉球到A5和牛都勁鍾意，每日唔食過牛都會有D唔安落。今晚同好友歡聚就梗係要搵間坐得舒適同好味既餐廳先得！終於就係行黎行去下就入左去我想食好耐都食唔成既和牛燒肉純~坐低後，侍應就拎左個ipad俾我點菜，真係好放便！枱面仲有埋仲細教學，咁次後就實唔會燒焦左d肉，確係好貼心！之後係一輪揀食咩好下，就終於叫左3款上級和牛^^先黎就有牛肩眼，肉質鮮嫩之餘，脂肪分佈極為均勻，加上廚師的巧手刀工下，厚薄適中，經過爐火輕燒後就已經肉香四射，咬在口中完全就能感受到上級肉質的鮮香，肉汁更具微微甜香，完全就是人間極品！再黎就係友人點選的特選牛排肉，一來到時看似有點肥，不過由於脂肪分佈亦是極為均勻，所以燒香後進食都未有感到肥膩，反而帶點爽口感，並且亦帶濃郁鮮牛肉香，滑喉的同時亦充滿鮮香肉汁，又是一道不可錯過的美味佳餚繼後的有三角牛排肉，送來的時候與特選牛排肉看似無分別，但食落後就能分別出三角牛排肉的肉質略為爽身，口感也是同樣鮮香，食完一片後就會令人有想不停進食下去的感覺，實屬是我本年度食過最好食的和牛之一！另外餐廳的環境也甚為舒適，亦未有設食用時間上限，我和朋友都食得非常開心