名館 (已結業)

今天和朋友來到中環的名館食晚餐，因為虹虹說這家食店菜式味道唔錯，環境舒適，最啱和朋友敍會，所以就前來一試。首先点了沙薑豬手，本來都担心大家会怕肥食唔哂，但豬手配惹味的沙薑，又真係食到唔停口喎，胃口開哂！亞瑪遜椰子川貝炖鱷魚湯跟住又黎，清甜又滋潤，近日天氣乾燥，啱哂！金銀蒜蒸勝瓜金菇，健康又美味的菜式，啱哂大家口味！自製菌皇醬蒸鐵棍淮山，用上新鮮准山，配上自製的菌皇醬，果然不錯！鮑魚汁扣柚皮，已經唔係太多食店有得食，所以就叫來一試，單看賣相就覺得不錯！魚米之鄉，係用魚肉，魚鬆做成的炒飯，啖啖魚香，材料豐富，炒飯又夠乾身，好好味，值得一試！最後來個甜品~麻雀十三么，其實係椰汁糕！賣相好別緻，真係好像麻雀！其實唔係好捨得食落肚！