班蘭葉印尼餐廳

营业中

休息中

兩個女都係糖街樓上的商廈補習，樓下有3-4間印尼餐廳🍴，今次帶兩個女試吓呢間印尼菜，都幾有驚喜。店舖細細，充滿東南亞風情印尼花膠湯斑蘭鷄粉皮：鷄和粉皮都幾滑，花膠好大塊，但無麼味。柑桔青瓜冰：睇落去幾清鮮，但飲落並無麼特別。柑桔冰：都係普通柑桔冰啱飲啲。細牛丸湯：以為係齊牛丸湯，但估唔到有埋面，仲有其他配料，$35好抵食。燒雞斑蘭尖塔飯：燒雞有半隻，燒得外脆內嫩，保留肉汁，好食。牛肉串燒半打：我嫌牛肉太硬，不夠嫩滑，比較遜色，但個沙爹花生醬汁好惹味。中國人老闆，印尼人主理，服務態度十分好，價錢亦便宜，用餐感覺十分舒服。