太興 (沙田廣場)

营业中

休息中

年尾加上周末，到處都人山人海，連飯堂太興都大排人龍。好在人流比較快，十零分鐘都已經有得入座。今日唔算特別餓，叫個簡單嘅下午茶餐。雞翼公仔麵係我經常會點嘅，因為比較惹味同開胃，份量又唔會太大份。味道偏濃，雞翼醃得好入味，有少少偏鹹，但都係可接受嘅程度。食之前記住要撈勻啲麵，咁啲麵先唔會一啲太乾一啲太鹹。果兩棵上海白可謂不能缺少嘅配菜。minipapa一向麻麻哋上海白，覺得好似硬硬哋煮唔熟咁又無咩味，但哩兩棵煮得稍冧之餘仲吸收咗個鮑汁撈麵啲汁，同時中和咗食撈麵偏鹹嘅味道。minipapa嘅爸爸食嘅排骨麵線，我試食咗一舊排骨，啲肉好冧好軟熟，好入味。爸爸表示啲肉好香，個麵就冧咗少少，味道不過不失。