Mokumoku Yakiton (厚福街)

营业中

休息中

同姊妹去尖沙咀嗰間串燒店，真係冇揀錯！一坐低就叫咗個刺身盛，五款魚生擺到靚靚仔仔，三文魚腩油潤到反光，帶子甜到漏，仲有兩款白身魚爽口冇筋，鮮味爆燈，連wasabi都唔使點已經夠晒喉！飲品方面，我揀咗柚子梅酒，酸甜清爽，飲落有淡淡柚子皮香，溝埋冰粒啜真係透心涼～朋友杯京姫梅子酒就濃味啲，佢話似食緊話梅糖咁過癮！串燒嚟到個陣，燒菠蘿必食啊！面頭焦糖脆脆哋，咬落爆汁仲有陣炭香，甜到似甜品咁。豬耳芝士串邪惡到爆，豬耳爽脆包住半溶芝士，拉絲拉到成米長，卡路里係咩？唔識寫！厚切白金豚肉肥瘦均勻，燒到邊緣微脆，肉汁鎖得啱啱好，點少少山葵已經昇華晒。最驚喜係豚肉荔枝卷，鹹香豚肉包住冰涼荔枝，一啖咬落去熱辣辣爆甜汁，個反差感正到癲！花生苗卷就健康啲，苗苗脆生生仲有花生醬香。豚肉鵪鶉蛋卷都得意，細細粒蛋黃流心，配埋煙韌豚肉好過癮。燒芝士年糕外脆內流心，拉絲拉到成枱都係，癡線架！多春魚就普通啲，但勝在魚春卜卜脆。沖繩苦瓜好好食，燒完冇咁苦，仲有啲回甘！