喜膳燒

营业中

休息中

今天嚟到尖沙咀一間串燒店晚餐，呢到個位置唔太起眼，要細心搵先搵到個入口。呢到的串燒種類有好多，有海鮮類、丸類、牛肉類、仲有特色串燒，包括黑毛豬五花腩、燒山賊雞翼、車厘茄煙肉劵等，全部都係即叫即燒，最欣賞係嚟到時都係個果熱辣辣的感覺！除左串燒之外，當然仲有飲品選擇，不過飲品就唔算太多種類，以sake為主，但要全支點甘開。串燒種類太多，先說下最好味係港式懷舊燒魷魚，係全條魷魚甘上，燒得剛剛好，皮仲帶少量燒焦的感覺，旁邊有泰式辣醬，不過由於魷魚本身整得唔錯，咬開已經好彈牙，唔洗點醬都已經好好味！沙爹燒厚魚肚，入面的沙爹汁好濃厚，惹味十足，魚肚軟得嚟亦不失口感嚼勁，味道唔錯。燒流心鵪鶉蛋，一串有4粒，咬開入面係流心既，鵪鶉蛋質感好好，調味亦做得唔錯。最後，不得不提係燒珍寶大扇貝，有成隻手掌甘大，入面粒扇貝肉好彈牙新鮮，最美味係個汁，調味得唔錯，而上面的粉絲吸收個汁後，亦十分美味，個汁可以係話成隻扇貝的精華所在。