燒肉酒場 (已結業)

朋友介紹呢間羊肉燒烤，真係勁好食☺️位於銅鑼灣嘅燒肉酒場以新鮮羊烤肉作為主打，係源自日本🇯🇵第一次試到原來燒羊肉係咁正我哋叫咗兩款羊肉，分別係紐西蘭羊西冷同埋蒙古羊卷肉🐏羊西冷有啲咬口，咬落去啲肉汁咇，好juicy🤤而羊卷肉係薄片嚟嘅，羊肉味好香濃，兩款羶味都啱啱好，夠突出又唔會過濃。另外叫咗一款牛嘅，就係壺漬牛肋條，用醬油同洋蔥醃起，好香，牛味亦都夠濃。朋友好鍾意食呢個柚子雞腿肉，好大份。肉質好嫩，雞皮燒到脆卜卜。另外就係西京豬頸肉，本身已經用醬料醃好，好夠味。意外驚喜就係小食炸魷魚圈都唔錯，口感煙韌，炸粉唔會厚。最後食埋羊湯茶漬飯，全餐真係勁滿足👍🏻