黑木亭居酒屋 (金馬倫道)

今日黎到尖沙咀呢间居酒屋，餐厅既装潢有浓浓既日本风味，感觉真系好似去左日本咁。座位方面，大多数都系卡位，空间感好足够，最啱同一大班朋友黎聚会。✨石板A5宫畸和牛厚切见到今个月做紧特价$388就叫左黎试下。上菜既时候下面放左干冰，超多仙气涌出黎，好啱打卡！块和牛扒都几厚，而石板够热，做到外熟内嫩既效果。入口充满油脂同肉汁，除左烧汁外仲有牛油蒜蓉汁，牛油蒜蓉汁甜甜地但劲香口，用黎点和牛食一流！✨铁板照烧三文鱼头份量超大，除左大大个三文鱼头之外，仲有三文鱼鲛，好多肉食。而煮法就类似汁煮咁，味道甜甜地，鱼肉吸收哂酱汁入味，而配菜冬菇、大根等都索哂啲汁，劲好食！✨带子海胆青瓜卷每件都有一旧带子刺身，超厚肉！带子轻轻咁炙烧过，软滑鲜甜，而海胆够新鲜，同埋香气浓郁，入口即溶。而青瓜爽脆，令成个卷物更有层次！✨天妇罗茄子田乐烧外层好脆，炸桨唔算好厚，而茄子入面KEEP到好juicy软滑，加埋甜甜地既sauce，比平时既天妇罗更惹味。