影片
更多
2018-02-20
221 浏览
早排想去日本病又發作，每次去日本都喪食燒海鮮的我，為食朋友話銅鑼灣有間水準高，於是某日放工就去食啦！出𨋢後就見到漁獲浜燒嘅招牌，推開木門d裝修好似去左日本咁。我地被安排坐吧枱，係店員介紹下我地點左不同嘅菜式。首先係每枱都有嘅芝麻醬椰菜沙律爽口椰菜配日式芝麻醬，面頭灑上七味粉同薯片，等大家開開胃。刺身盛合六款三文魚，吞拿魚，吞拿魚腩，油甘魚，赤貝同帆立貝六款刺身都非常新鮮，而且件件厚切，各樣刺身都充滿鮮味，完全唔腥！吞拿魚腩放入口有即溶嘅感覺，另外吞拿魚都比平時食到嘅更肥美。香煎蒜片厚切牛舌呢個係店員推介，平時對牛舌興趣不大的我，當呢碟野上枱我完全被d香味吸引左。牛舌厚厚但完全唔韌，香淋易咬。之前我曾經食過有牛蘇味令我怕怕，但呢個就只有香味。燒白鱔肥美嘅白鱔以鰻魚汁燒，外面同邊燒至脆口，非常惹味。池魚刺身呢個都係店員推介池魚切成薄片，顏色透亮，爽口帶鮮味。食完刺身後店員將魚頭連魚骨拎到廚房炸，作為佐酒小食。跟住就係最期待嘅燒海鮮～～味噌蟹甲羅燒配多士呢個一定係食浜燒中的必點之選！蟹蓋放入蟹膏同蟹肉，中間再放上生鵪鶉蛋，混合再燒，最後加上一堆脆脆。入口甘香，由於有少許蟹肉，增加口感不會似食
出𨋢後就見到漁獲浜燒嘅招牌，推開木門d裝修好似去左日本咁。我地被安排坐吧枱，係店員介紹下我地點左不同嘅菜式。
首先係每枱都有嘅芝麻醬椰菜沙律
爽口椰菜配日式芝麻醬，面頭灑上七味粉同薯片，等大家開開胃。
刺身盛合六款
三文魚，吞拿魚，吞拿魚腩，油甘魚，赤貝同帆立貝
六款刺身都非常新鮮，而且件件厚切，各樣刺身都充滿鮮味，完全唔腥！吞拿魚腩放入口有即溶嘅感覺，
另外吞拿魚都比平時食到嘅更肥美。
香煎蒜片厚切牛舌
呢個係店員推介，平時對牛舌興趣不大的我，當呢碟野上枱我完全被d香味吸引左。牛舌厚厚但完全唔韌，香淋易咬。之前我曾經食過有牛蘇味令我怕怕，但呢個就只有香味。
燒白鱔
肥美嘅白鱔以鰻魚汁燒，外面同邊燒至脆口，非常惹味。
池魚刺身
呢個都係店員推介
池魚切成薄片，顏色透亮，爽口帶鮮味。
食完刺身後店員將魚頭連魚骨拎到廚房炸，作為佐酒小食。
跟住就係最期待嘅燒海鮮～～
味噌蟹甲羅燒配多士
呢個一定係食浜燒中的必點之選！
蟹蓋放入蟹膏同蟹肉，中間再放上生鵪鶉蛋，混合再燒，最後加上一堆脆脆。入口甘香，由於有少許蟹肉，增加口感不會似食醬料。但我個人比較喜歡直接用匙羹放入口食，配多士好像有點浪費。
北寄貝
由於甲殼類我最喜歡食北寄貝，所以另外order左一隻！
北寄貝非常大隻，店員燒好後剪開，方便進食。
北寄貝好鮮甜，又多汁，完全唔會乾爭爭。而且食落完全無沙，值得一讚。
活貝魚獲浜燒盛合二人前
有珍寶大蝦，松葉蟹腳，鮑魚， 蠔， 帆立貝。全部都勁新鮮，上枱時某幾款仲郁緊！
先黎松葉蟹腳
燒得剛好，蟹肉充滿鮮味而且仲有水份。最貼心係已去掉一半外殼，只要用筷子一夾就食得。
珍寶大蝦
蝦肉爽口彈牙，可惜燒得有點乾。
蠔
非常大隻的蠔以清酒燒，極度juicy。
鮑魚
肉質較淋易咬，邊位帶一點點炭燒味，正！
帆立貝
超大隻帆立貝店員以清酒燒至七成熟，去除唔食得的部分再剪細比我地，方便進食。
帆立貝都係好juicy，肉係鮮甜架！
最後係柚子雪芭同蕃薯雪糕！
蕃薯雪糕超正！店員話曾經斷貨一排，今日有得食真係好幸運。
雪糕滑得黎番薯味超濃！必食！
食完之後覺得漁獲浜燒無論食材，服務，味道都非常好。雖然價錢有點貴，但係我當日立即book定位同肥仔聖誕節再去食！
张贴
