影片
更多
2019-08-22
295 浏览
今日特別想食日本料理，可惜肚子唔爭氣，唔可以食太多冷盤，置樂呢間日本料理店非常有日本氣息，好多旗幟同日式掛畫，風味十足。波子氣水 $20唔食得太多冷盤，但點都要飲返支波子汽水，波子汽水簡直係童年回憶，飲完最中意收集返的波子當玩具，我發現呢支波子汽水比起我細個個的更加好飲！冰涼得黎，汽泡十足，非常好飲！日本枝豆$22枝豆上枱時仲冒住煙，暖笠笠，外層仲有小小 鹽作料味，無草青味，食下食下唔覺唔覺就食曬，幾好~炸一口芝士$25非常特別既菜式，成粒芝士拎去炸，芝味十足，熱辣辣既芝士，一咬落口就流曬芝士出黎，芝士迷必叫！非常滿足既炸芝士！鱈魚干$24（前）兩種節然不同既魚干，相似得黎又有分別，鱈魚干脆身，魚味十足，似足細個食一包包藍色既鱈魚條~雞泡魚干$58（後）每次都叫雞泡魚干，口感煙韌，外面甜甜地，食落魚香十足，非常美味。黎到日本料理店無可能唔叫壽司，雖然肚唔舒服唔食得太多生冷野，但依然無阻我叫壽司既決心。火灸帆立貝壽司$40大大舊既帆立貝，表面輕輕用火燒過，香氣十足，仲有紫菜碎作點綴，食落鮮嫩甜美，非常新鮮既帆立貝，一口咬唔曬既帆立貝果然份量唔係講笑。北寄貝壽司$18鮮嫩爽口既北寄貝，中規
波子氣水 $20
唔食得太多冷盤，但點都要飲返支波子汽水，波子汽水簡直係童年回憶，飲完最中意收集返的波子當玩具，我發現呢支波子汽水比起我細個個的更加好飲！冰涼得黎，汽泡十足，非常好飲！
日本枝豆$22
枝豆上枱時仲冒住煙，暖笠笠，外層仲有小小 鹽作料味，無草青味，食下食下唔覺唔覺就食曬，幾好~
炸一口芝士$25
非常特別既菜式，成粒芝士拎去炸，芝味十足，熱辣辣既芝士，一咬落口就流曬芝士出黎，芝士迷必叫！非常滿足既炸芝士！
鱈魚干$24（前）
兩種節然不同既魚干，相似得黎又有分別，鱈魚干脆身，魚味十足，似足細個食一包包藍色既鱈魚條~
雞泡魚干$58（後）
每次都叫雞泡魚干，口感煙韌，外面甜甜地，食落魚香十足，非常美味。
黎到日本料理店無可能唔叫壽司，雖然肚唔舒服唔食得太多生冷野，但依然無阻我叫壽司既決心。
火灸帆立貝壽司$40
大大舊既帆立貝，表面輕輕用火燒過，香氣十足，仲有紫菜碎作點綴，食落鮮嫩甜美，非常新鮮既帆立貝，一口咬唔曬既帆立貝果然份量唔係講笑。
北寄貝壽司$18
鮮嫩爽口既北寄貝，中規中矩
鰻魚壽司$18
大大舊鮮嫩鰻魚（依然一口食唔曬），鰻魚無骨，肉質嫩滑，配上甜甜既鰻魚汁，食過翻尋味！
蟹膏軍艦壽司$28
食得多韓國既蟹膏撈飯，點都要試下日式既蟹膏壽司，滿滿既蟹膏，配上蔥粒既點綴，膏味十足，無乜腥味，而且食完唔會好膩。
海膽軍艦壽司$38
海膽份量剛好，不多不少，中規中矩既壽司。
雞腎串燒$22
雞腎硬身而且較韌
雞軟骨串燒$18
軟骨燒得平均，香脆可口，不錯
一口和牛串$38
和牛肉質非常鮮嫩，唔韌又重牛味，一口咬落去肉汁爆滿口腔，非常有驚喜！
日本番薯仔$16
番薯仔燒得剛好，暖暖地既番薯仔，食落甜味適中，唔會過甜，不錯
多春魚串燒（2條）$22
燒得靚仔既多春魚串燒，唔腥而且多春，不過不失
燒日本魷魚筒$78
心思思想食好耐既魷魚筒，份量十足， 每口都感覺到豐富既蛋白質（彈牙），非常可口
蜜糖燒菠蘿$28
上枱出曬煙既燒菠蘿，趁熱食真係無得彈，菠蘿多汁又甜，推薦一試！
海老天婦羅$18
蝦唔算大亦唔算細，配上天婦羅汁食非常鮮美
秋葵天婦羅（2件）$10
個人喜歡食秋葵，秋葵本來既軟身口感配上炸得脆卜卜既天婦羅外層，口感一流！
张贴
