心之食堂 (裝修中)

之前同屋企人食過好高人氣嘅深宵食堂，覺得值得再食👍🏻最近得知銅鑼灣開了心之食堂，相比深宵食堂，主食較多，但都有唔少串物小食。晚市唔太多人，原來因爲晚上有人包場😮有Today Special，其中我地都叫咗個前菜。芥辣八爪魚（$48）放咗係冰上面，keep住好凍，又唔會比冰嘅雪味影響到。份量幾多，切成細細粒，好易入口，又好煙韌！😍個人比較食得芥辣，覺得味道可以再重少少👍🏻食到一半個陣，刺身就嚟啦～我地叫咗三文魚(4片)同甜蝦(3隻)，每樣都係$38😋三文魚切得好厚！好厚！覺得好抵食😍味道方面都幾鮮甜，油脂分佈好平均好靚👍🏻而且有冰底，放耐咗再食都覺得好凍好新鮮～甜蝦都好大隻，唔似平時食放題個啲好細條咁。蝦身唔會好"林"，而且幾爽口，無腥味✨主菜開始嚟啦，其中一個係原條鰻魚石鍋飯（$98）鰻魚好長！長到斷咗少少😂未食已經聞到好香，而且石鍋令到個飯更香口😆先講飯，雖然石鍋上會更香口，但啲飯本身比較多水，有啲"林"咗。而鰻魚好入味，燒汁唔會太甜，鰻魚肉質好嫩，唔會好散。側面睇幾厚，口感又提升到另一層次👍🏻厚燒牛舌心（ $58）覺得索價有啲貴，雖然係厚切，但係燒得太耐，韌韌地。最後一個熱食就係芝