昌 Gor Gor (已結業)

趕急在中午一點至兩點嘅午飯時間，唔知食乜好？就嚟到呢到食個車仔麵，每次都可以選唔同嘅配搭，四十元一碗，包熱飲，真係算係忙裡偷閒嘅好選擇。特別喜歡呢到用嘅好得意嘅熱飲杯，見到佢哋真係乜鬼沉悶嘅返工事情都暫時可以忘記！好鍾意同呢啲杯仔影相。每次嚟到都有唔同表情嘅杯，睇見，人都開心曬！至於配餸，我喜愛滷豬腸，魷魚，蘿蔔！更加唔少得嘅係粗麵，我成日都覺得粗麵先係車仔麵最夾嘅麵，但當然人人嘅口味唔同，可以再試吓其他。