昌 Gor Gor (已結業)

要三個餸發現得兩個，但收到三個餸嘅錢🥲🥲然後發現杯凍奶茶完全唔知係咩野，好sad然後頭先打電話冇人聽，好sad其實係好食，但係感覺真係有D差希望下次可以補返

趕急在中午一點至兩點嘅午飯時間，唔知食乜好？就嚟到呢到食個車仔麵，每次都可以選唔同嘅配搭，四十元一碗，包熱飲，真係算係忙裡偷閒嘅好選擇。特別喜歡呢到用嘅好得意嘅熱飲杯，見到佢哋真係乜鬼沉悶嘅返工事情都暫時可以忘記！好鍾意同呢啲杯仔影相。每次嚟到都有唔同表情嘅杯，睇見，人都開心曬！至於配餸，我喜愛滷豬腸，魷魚，蘿蔔！更加唔少得嘅係粗麵，我成日都覺得粗麵先係車仔麵最夾嘅麵，但當然人人嘅口味唔同，可以再試吓其他。

翻查食評發現只有幾個食評，有點奇怪， 此車仔麵其實好多人食。以前在葵芳工作跟同事經常在此午餐，好多時需要排隊等位，今日11:30經過見冇咩人即刻衝入去，味道依然保持水準環境 : 舖位細細，容納十多個食客。 冷氣及風量足夠， 唔需要滴住汗食車仔麵衛生 : 餐具及食物上枱都感覺乾淨， 唔係街邊嗱喳麵類型， 而係住家式車仔麵。服務 : 店主服務友善三餸烏冬加腩汁+盒裝檸檬茶$41蘿蔔唐生菜清甜， 冬菇夠味。湯底選擇有豬骨湯、清湯、腩汁、咖哩汁， 唔食辣的話推介腩汁夠味

我係附近返工，最近食過呢間車仔麵，簡直一肚氣。話說我打算買個外賣返公司食，想食下呢間車仔麵啦，好耐無食車仔麵啦，叫咗三送河粉(花枝丸，豬肉丸同籮蔔)外賣，其實那日有幾個客等緊外賣，佢地個樣黑晒，都知唔好野，我等左十五分鐘都未有，見佢淨係掛住理樓面，我咪催佢，咁五分鐘內有了。返到去打開外賣，辣汁勁少，D河粉又腍晒，食落好散，又冇水，D花枝丸其實好食，又爽又彈，但係淥唔透，扣分! 豬肉丸都算幾好味! 蘿蔔炆得好腍都好食，但係得蘿蔔好食

昨天天氣不太好，怕會下雨，所以午飯時，便到了公司附近的昌gor gor 吃車仔麵，聽同事說他們做的燒賣腸粉很好吃，不過午餐想吃飽些，所以就選了吃車仔麵。它們的三餸車仔麵有兩個湯底可以選，分別是清湯和豬骨湯，而且有牛腩汁，咖哩汁和辣汁供選擇，我剛選了牛腩汁。餸就選了雞中翼，紅腸和豬肉丸。店內環境雖然比較細，但卻很整齊和清潔，具我觀察，應該是家庭式經營的，店裏的阿姨很熱情的招待我，很有禮貌，相比外面的連鎖店多了一份親情，值得支持。等了一會兒，車仔麵終於到了，餸方面由於本身就是製成品，就中規中矩，和平時食開的差不多。湯汁方面不會太咸，配上牛腩汁，不錯，但他的牛腩汁，相比外面牛腩麵的汁是淡一點的，但仍可感受到牛腩的香味，下次可試試其他的汁。米線方面剛不會太軟，夾起來不易斷，麵身比較滑，配上湯汁，很開胃。大家如果經過，也可以進入試試，感受家的感覺。

車仔麵響葵芳實在有太多間，但唔係幾鍾意葵廣果幾檔，因為太重味，而且個環境有小小污糟，食得唔係幾安心。一兩年前發現葵芳村入面有檔隱世車仔麵檔，個老細係個後生仔，專做街坊生意既，經過無意間入左去食。車仔麵黎到個賣相都幾靚仔，個湯帶有小小甜咁，牛筋燜好冧添，生菜又唔會煮到過老。35蚊食到碗幾好味既車仔麵，真係唔錯。因為一碗車仔麵居然比距整到咁試正，睇得出尼個昌哥哥好用心。響附近返工既朋友不妨一試，支持下小店。

Lunch time 熱到死唔想行出去就唯有叫外賣！佢地好多選擇，連湯底醬汁都可以揀！最後，叫咗豬大腸、墨魚丸、牛腩配河粉加辣汁！叫完之後等左成起碼半個鐘都未送到，打去催就話出左！最後黎到，張單好亂又多咗一碗唔係我哋嗌嘅！都算唔...河粉索晒啲湯！！都唔知食緊咩咁！！味道再好都唔會再叫！我個lunch用左一半時間等外賣

店名：昌哥哥 Cheong Gor Gor地點：興芳路177號葵芳廣場地下7號舖，電話：2626 0596(1) 冬菇龍蝦丸豬皮油麵；(2) 小棠菜水魷魚豬皮油麵；三餸一粉/麵售價價：三十二元。食物的整體評價：(甲) 味道/烹調：在這裡吃過冬菇龍蝦丸豬皮油麵和小棠菜水魷魚豬皮油麵。其他同類的店舖，如果點選水魷魚的話，一定比其他餸昂貴，但在昌哥哥就可以和其他餸同價。水魷魚、豬皮很爽口堅韌。湯底選擇多，計有：牛腩汁、咖哩汁和辣汁，款款可口。不過較為不足的是，蔬菜經常缺貨，例如叫小白菜就沒有，唯有點了小棠菜。(乙) 種類方面：可供選擇的食品算多，除了車仔麵外，還有：熱狗、雙併三文治及公司三文治、腸粉、燒賣等小食。環境：面積較小，佐總算整潔。服 務：有水準，老闆耐心有禮。衛生：良好。抵食：很抵食。