台灣小倆口三文治 (已結業)

今日要去荃灣做嘢, 已經鎖定要食小倆口, 一直好想試佢既總裁牛肉堡, 之前食過佢既蛋餅, 好食喎, 今日我都掙扎左好耐究竟食咩好, 最終因為係早上, 可以食得heavy啲, 等我可以下午消耗啲卡路里, 冇咁罪惡, 嘻因為佢即叫即整, 所以係需要等既, 不過因為係早些10點幾, 工又返哂, 又未放食lunch, 所以冇人排隊, 即刻整都係等3-4分鐘, 頂多5分鐘, 新鮮熱辣既麵包點都會加啲分先既, 呢個我冇記錯應該係全店最貴既餐, 一個包加杯凍啡都係$26, 剩買就$22, 比起年頭加左價lu, 不過我都覺得唔算貴~~個包我要求少酸醬同走番茄, 牛肉好juicy, 個包係麥包, 滿佈芝麻, 我平時唔係好食芝麻, 但連埋麵包都好ok, 我覺得少醬就剛剛好, 正常醬我估會滿瀉, 唔算好大個, 女仔食一個都好飽, 食完一個, 超滿足~~~咖啡都唔錯, 少甜係very good~~~下個目標係蛋餅同地瓜三文治~~~~