中西∙環 (已結業)

食物質素及侍應服務都沒有問題， 折扣後170蚊唔使算係物有所值！特別想講其實以酒店嘅出品及食物質素，理應無需作大幅度折扣優惠，如果要以量入為出理由， 在基本方面著手「開刀」就有點本末倒置！ 喺香港無論何等級數嘅自助餐，均會免費供應或包括一杯冷熱飲品， 分別在中下價酒店會另外提供自助橙汁或配備冰塊沖調咖啡/茶， 有啲做到更好甚至會配備凍咖啡及凍茶， 五星級或其他高級酒店就會包一杯飲品，凍熱均可！ 其實呢問酒店餐廳前後我已經幫襯共八年有多，如我所講由當初提供橙汁及其他果汁、間中仲有可樂到餐廳翻新後取消果汁及後更到而家不提供凍飲，有違香港大部分酒店服務嘅做法！ 可能會有其他酒店餐廳都有相同處理但係我相信一定唔多，同集團嘅皇家太平洋酒店及城市花園酒店都沒有不提供凍飲嘅安排，希望酒店或者整個集團要正視問題！P.s. 在打緊呢篇報告期間，餐飲經理過嚟了解及誠意道歉，(因為較早時間已send咗email到酒店)， 我覺得都係可原諒嘅地方。