影片
更多
2010-05-27
81 浏览
師傅最近喺呢個環頭都好似搵唔到食咁, 理由是冇咩特別好味嘅食物, 加上本區嘅午膳價錢指數偏高, 而價錢高質素卻未必高, 所以每次開餐都要以睇住條數為先; 是日又為午餐諗爆頭, 無意間醒起呢間食店最近新開張, 見未黎過就入去食返餐!其實師傅都唔係好知呢間食店同灣仔嗰幾間有冇唔同, 如果相同其實都有少少搏, 皆因灣仔嘅感覺不是甚好! 入到食店, 地方唔算大, 一坐底當然睇下有咩食啦, 嘩! 咖哩牛腩飯都賣成三十八蚊, 似乎貴左d喎, 咁嘅價錢食咖哩, 師傅倒不如去搵咖哩大王啦; 於是就放棄飯類, 轉戰麵食, 最後師傅柯打左清湯牛腩麵一碗就算喇!等左一陣, 清湯牛腩麵就登場, 師傅二話不說, 第一時間就試下個湯底, 第一啖入口湯底十分之清, 但唔係清淡, 而係清甜, 味道不錯, 師傅一口氣都飲左五六匙, 飲完清湯後, 師傅立即食慾大增, 於是就即刻試下個麵底; 麵底係普通生麵, 一放入口麵身非常爽口彈牙, 而且一d都唔硬身, 咬口真的不錯, 可惜仍然有鹼水味, 雖然份量唔多, 但如果冇埋就更加好; 而牛腩就有幾件, 感覺似碎腩多d, 牛腩係屬於半肥瘦, 牛腩都算幾鬆, 但瘦的部份始終比較鞋口
其實師傅都唔係好知呢間食店同灣仔嗰幾間有冇唔同, 如果相同其實都有少少搏, 皆因灣仔嘅感覺不是甚好! 入到食店, 地方唔算大, 一坐底當然睇下有咩食啦, 嘩! 咖哩牛腩飯都賣成三十八蚊, 似乎貴左d喎, 咁嘅價錢食咖哩, 師傅倒不如去搵咖哩大王啦; 於是就放棄飯類, 轉戰麵食, 最後師傅柯打左清湯牛腩麵一碗就算喇!
等左一陣, 清湯牛腩麵就登場, 師傅二話不說, 第一時間就試下個湯底, 第一啖入口湯底十分之清, 但唔係清淡, 而係清甜, 味道不錯, 師傅一口氣都飲左五六匙, 飲完清湯後, 師傅立即食慾大增, 於是就即刻試下個麵底; 麵底係普通生麵, 一放入口麵身非常爽口彈牙, 而且一d都唔硬身, 咬口真的不錯, 可惜仍然有鹼水味, 雖然份量唔多, 但如果冇埋就更加好; 而牛腩就有幾件, 感覺似碎腩多d, 牛腩係屬於半肥瘦, 牛腩都算幾鬆, 但瘦的部份始終比較鞋口, 而肥的部份就真係好多肥膏, 冇一舊牛腩係半肥瘦連埋一齊, 全部都是分開, 感覺一般! 食到咁上下先有杯豆漿送, 點解有得送就冇講明, 可能見師傅連飲品都冇柯打啦, 豆漿都算幾滑而且唔甜, 係唔夠凍, 不過用唔使錢嘅角度黎講又算不錯!
總括黎講食物質素尚可, 環境清潔乾淨, 有電視睇, 服務態度都可以, 價錢一般, 廿六蚊一碗清湯牛腩麵, 呢區黎講算合理, 感覺合理過咖哩牛腩飯好多, 送埋豆漿就仲抵食; 其實師傅一早預料到唔會飽, 但似乎再加單亦無謂, 吃完碗麵就算數; 但師傅唔覺得呢間牛腩有甚麼過人之處, 好多麵食店都能夠有此水準啦, 都唔明點可以打正旗號賣牛腩呢? 師傅再黎機會唔大, 笑臉比唔到!
张贴
