影片
相关文章
好多年前食过另一间分店知道连最后一间分店都会系十月底前结束，就赶紧去食最后一次平日12:30 去到，等一阵就有位今日想食牛腩牛肚河，朋友食牛腩捞面姐姐话就快结业，叫我地加钱食靓腩，话好食好多，既然最后一次食，当然加啦事实上靓腩真系几好食可惜之后冇机会再食啦
继续阅读
疫情都系有上上落落的趋势，所以而家写食评都系唔少外卖。今日去左太古坊做野，听到同事讲间大利清汤腩就黎唔做，就去左抓紧最后的清汤腩尾巴。大利清汤腩同中环九记牛腩都颇具名气，我谂大家对佢认识多都系名嘴苏施黄都推佢。但而家佢啲分店都执哂，我之前都会喺湾仔帮衬佢地间分店。本想叫个清汤牛腩饭 ，但今日个肚有点顶住，所以叫左个腩粗。牛腩略为瘦左啲，虽然煮得几入味，但焖得太腍，冇咩口感，俾以前差得远。而且汤头都冇左阵令人怀念既油香，同普通茶记腩粗差不多。咁当然，本身对佢都唔太大期望，旧的唔去，新的唔嚟，喺哩个食客要求咁高的香港，净系食情怀好难喺疫情下站住脚。租约期满，将于10月25日光荣结业餐厅：大利清汤腩 地址：鲗鱼涌祐民街16号地下Address：G/F, 16 Yau Man Street, Quarry Bay#肥诚 #肥诚揾食 #fatshinghk #instagramhk #instagramfood #food #餐厅 #香港美食 #香港餐厅 #湾仔lunch系列 #湾仔 #屯门 #鲗鱼涌 #早餐 #午餐 #晚餐 #hongkong #hongkongfood #hongkongfoodie #hongkongfoodblogger #food #foodie #foodiehk #wine #winelover #winelovers #steak #牛腩 #鲗鱼涌lunch系列 #大利清汤腩
继续阅读
大利清汤腩📍 鲗鱼涌祐民街16号地下记忆中系首次踏足太古，朋友介绍去祐民街揾食。同一条街有三间餐厅可以选择：牛腩面店、汉堡店同泰国菜。我哋行咗一转都系返返去第一间嘅大利清汤腩，一嚟因为佢嘅牛腩系香港数一数二出名，二来就系佢快将光荣结业，只系营业到10月25日咋。难得嚟到太古，又经过呢间出名最好食嘅分店，当然要趁佢尚在嘅时候食返一次啦。 💰$35牛腩河 🐮大利清汤腩已经有三十几年历史，算系本地清汤腩的元祖之一，佢哋会用新鲜牛骨熬汤底，而牛腩就系新鲜黄牛腩嚟整，虽然我已经无食牛肉接近两年，但睇到都知啲牛腩好嫩，闻落好香牛味，唔会干争争。 💰$35云吞粗面 🥟我自己叫咗呢碗嚟食，云吞大大粒，食落啖啖肉，虾肉好弹牙！因为本身想叫捞面，但落单嘅姐姐听错咗，嚟到先知系粗面。但因为我唔钟意食粗面，于是我将成个面同朋友交换，所以我食嘅系河粉。佢哋嘅河粉好索汤，基本上未食哂碗粉都已经得返三分一嘅汤，食到后半啲河粉开始变得易断，好在佢嘅粉无咩麻包袋味，而且都好滑身。 💰$35紫菜三宝河 🍡朋友叫咗呢碗三宝河，佢嘅三宝系三款丸，无记错应该系墨鱼丸、鱼蛋同猪肉丸。我食咗佢惟一一粒墨鱼丸，好弹牙，一啲腥味，食到入面嘅墨鱼肉，汤底嘅味都好清，唔错唔错。 💰$49云吞牛腩河 🥟🐮同上面嘅评语一样，但个人认为双拼唔系咁抵食，因为云吞只有两粒，但牛腩嘅份量又唔系比$35一碗嘅牛腩河几多，但如果贪心啲想试多款嘅可以叫双拼嚟食！ 💰$15腩汁萝卜 🥕萝卜煮得好淋身，清甜之余吸晒腩汁嘅精华，仲要无渣，价廉物美，推！
继续阅读
买咗一个清汤牛腩饭 全部都系瘦嘅 同煲出嚟𠮶啲汤渣系完全冇分别 唔知系唔系拎啲牛肉去煲汤 然之后就咁拎𠮶啲汤渣出嚟当系牛腩卖俾人食 最近食咗几次都系咁嘅质素 讲明要肥少少但系都唔会理 以后都唔会再帮衬 超级难食嘅清汤腩 个汤仲要超级重味精 萝卜又有渣 个饭都系林既 最好食系个包辣椒油 唔怪得门口个老细成日要出来拉生意 虽然算系小店 但系都系唔可以推介…唯一嘅好处就系价钱比较平少少 牛腩饭$54 但系我宁愿比多少少钱食正常啲嘅牛腩饭..而家嘅质素越嚟越差
继续阅读
8号风球嘅晏昼好多地方都冇开门去到见到有开门就试吓50几蚊一个清汤腩捞面劲多牛腩 超级抵食又好味！老板娘一拎啲面过嚟完全吓亲劲大碗 心谂啲牛腩系咪唔使钱😂😂佢捞面嘅汤汁好清甜好香牛腩味配埋佢𠮶度嘅辣椒油真系一绝🥺🥺好少喺出面食饭会饮晒个餐汤但系呢一度个汤真系好好饮！轻微嘅药材味 又唔会好味精👍🏻成个餐 虽然好大份但因为真系太好味😂所以我都坚持要食晒佢朋友见到我食晒都觉得好震惊😂😂真系可以再encore！10分推介😍
继续阅读