Hugo Le Resto Grill (已結業)

喺銅鑼灣行街，經過怡和街見到有間樓上西餐廳嘅menu望落好吸引，就同友人上去食晚餐。我哋叫左兩個dinner set，每日嘅主題都唔同，我地嗰日係食牛。跟餐仲包埋自助沙律吧。自助沙律吧有好多款嘢食揀，最特別嘅係有秋葵同青口，淨係食呢啲已經好滿足。餐湯係干邑龍蝦濃湯，龍蝦味好香濃，仲有爽口嘅蝦肉。我點左五成熟嘅美國頂級紐約客牛扒，牛扒肉質鮮嫩好juicy，跟餐仲有熱辣辣嘅炸薯條，點埋黑松露醬好好味。友人點咗香煎老虎大蝦配黑松露鮮忌廉飯，蝦肉爽口彈牙鮮甜又美味，忌廉飯有淡淡嘅黑松露清香，食落易入口感覺又唔會好膩啱啱好。