影片
更多
2019-11-07
108 浏览
想同三五知己食吓特別嘅fusion菜，或者去Chill吓，Zeng係一個好選擇。Chill嚟講，除咗氣氛，地方環境都好重要。Zeng喺銅鑼灣著名食街登龍街V-point嘅30樓，面向世界知名嘅景點維多利亞港，仲有露台位。室內裝潢以黑色為主，好有格調。可以室內食完再出去飲嘢傾計。先嚟兩杯飲品【Vampire Bubbles】係雜莓味嘅雞尾酒，上枱嗰陣仲「吞雲吐霧」緊，幾迷幻。隻杯耳可以當飲管啜飲，幾得意。【藍莓Smoothie】藍莓味道幾濃，健康又透心涼。【和牛他他】極鮮嫩生牛肉，再加生蛋同黑魚籽。蛋汁撈埋生牛肉，帶出牛肉鮮味亦令口感更滑溜。朋友唔慣食生牛肉，但都用將生牛肉放上麵包條食，仲覺得相當不錯添。【三文魚壽司】三文魚用醬油醃咗，味道更加濃。【和牛壽司】整到半生熟嘅和牛，上面有蘿蔔蓉同生蒜，有中國風味。【西洋焗蠔】用mayo、芝士、香料、洋蔥焗出嚟。熱辣辣香噴噴，味道微辣加半溶芝士味再加mayo嘅酸味，味道多層次。【松露干炒牛河】上面係一堆芽菜嘅干炒牛河，上枱時店員刨咗啲黑松露片上去。黑松露味道同干炒牛河嘅甜豉油味又幾夾。【蟹肉丼】啱晒鍾意食蟹嘅我，蟹肉、蟹籽、蟹膏齊晒。仲有蛋絲同
Chill嚟講，除咗氣氛，地方環境都好重要。Zeng喺銅鑼灣著名食街登龍街V-point嘅30樓，面向世界知名嘅景點維多利亞港，仲有露台位。室內裝潢以黑色為主，好有格調。可以室內食完再出去飲嘢傾計。
先嚟兩杯飲品【Vampire Bubbles】係雜莓味嘅雞尾酒，上枱嗰陣仲「吞雲吐霧」緊，幾迷幻。隻杯耳可以當飲管啜飲，幾得意。
【藍莓Smoothie】藍莓味道幾濃，健康又透心涼。
【和牛他他】極鮮嫩生牛肉，再加生蛋同黑魚籽。蛋汁撈埋生牛肉，帶出牛肉鮮味亦令口感更滑溜。朋友唔慣食生牛肉，但都用將生牛肉放上麵包條食，仲覺得相當不錯添。
【三文魚壽司】三文魚用醬油醃咗，味道更加濃。
【和牛壽司】整到半生熟嘅和牛，上面有蘿蔔蓉同生蒜，有中國風味。
【西洋焗蠔】用mayo、芝士、香料、洋蔥焗出嚟。熱辣辣香噴噴，味道微辣加半溶芝士味再加mayo嘅酸味，味道多層次。
【松露干炒牛河】上面係一堆芽菜嘅干炒牛河，上枱時店員刨咗啲黑松露片上去。黑松露味道同干炒牛河嘅甜豉油味又幾夾。
【蟹肉丼】啱晒鍾意食蟹嘅我，蟹肉、蟹籽、蟹膏齊晒。仲有蛋絲同黑芝麻提味。
【焦糖燉蛋配日式糯米糍】用茶碗上嘅焦糖布甸又幾特別。焦糖布甸蛋香味濃，仲有一碗仔糯米糍同藍莓。
【美式芝士蛋糕】口感厚實，上面加咗士多啤梨醬。味道適中冇過甜。
良辰美景下梗要chill一chill，叫咗水煙，都有幾多味道選擇。店員推介雜菓味。一邊欣賞住維港靚景一邊「吞雲吐霧」，好有Feel。
张贴
