宏 (已搬遷) 新店位置

今日去左the one買野，於是去宏食午餐。呢間係個日本餐廳，門口已經有好靚既甜品等緊我，正！叫左個醬油烏冬同埋天婦羅黎食。烏冬外表好普通，但食落先感受到烏冬既質感唔普通。同平時食既烏冬唔同，口感彈型，仲有少少香味，加埋日式叉燒同少少辣粉，好香！天婦羅都好新鮮，有時食出邊天婦羅見到天婦羅外表好黑，因為用左炸左好耐既油黎炸天婦羅，但可以見到呢個天婦羅外表好白，應該係用新鮮既油炸。一入口，除左野食既鮮甜，仲有淡淡既天婦羅粉味，簡簡單單，但係好健康，好好味。最後叫左個甜品，甜品係門口等左我好耐，終於有機會品嚐你地啦。呢個甜品先係今日既主角。綠茶味超級濃。好鐘意飲個綠茶，好濃既綠茶味之餘，入邊有小丸子，成個綠茶好有口感。除此之外，綠茶蛋糕既綠茶味都好濃，鬆軟既蛋糕，加埋綠茶獨有既香甜，太幸福了！個拿破崙綠茶雪糕都係我既最愛！拿破崙鬆脆既口感加埋又凍又甜既綠茶雪糕，甜同香脆既口感，呢個必食。叫左呢個甜品真係冇後悔，其實可以食多幾碟！因為呢度既綠茶真係好好味，高質！下次食甜品一定再黎呢度！