辻利茶舗 (已結業)

源自日本，擁有悠久歷史嘅綠茶鋪頭，平時返工嘅時候喺下邊行過淨係會見到有一間臨時的鋪頭喺度，估唔到原來上多幾層，會有一個可以坐嘅茶座喺度。佢設計嘅感覺簡單得來又好有日本風嘅感覺，用上大量木製嘅枱櫈同裝飾。特別係去吧枱食嘅設計，好多人行過食杯雪糕都會坐係果個位，而且仲會叫朋友幫手影相模擬一下喺日本度食雪糕，日本風。因為係午餐嘅關係，所以我就先叫咗一個咸食，鰻魚嘅茶漬飯。茶漬飯嘅份量唔算好大，但係一個女生來講足夠，樣子都非常之精美個鰻魚軟身，濃香。飯入面有好多日式嘅味素粒子，包括係芝麻，紫菜等等。食嘅時候會另外有一個玄米茶俾你沖泡落去，可以為平淡嘅飯加上陣陣嘅茶香。你都呢度食完個鹹點，又點可以食番淨係呢一度先有嘅特濃抹茶雪糕。雖然呢間鋪頭係香港都會有另外一個分店，但係得呢度先有的特濃抹茶雪糕，咬落去嘅第一種感覺可能會有少少甘嘅感覺，但係食落又會有牛奶嘅香味，啱晒啲口味比較重嘅人士同純綠茶控。