五月花港台日料理 (已結業)

又係兩條友在荃灣搵食，行過見到五月花裝修好似唔錯咁，又未去過，就上去會一會佢。同hostess講話兩位，佢叫我等一陣，仲以為已經full晒，點知轉頭個hostess已經叫我們入座。發覺有大把空檯，地方亦冇想像中舒服。侍應話有自助餐，聽唔清楚百幾多蚊一位。但因為唔太餓，只是散叫幾個餸便算。點選了一件長壽司、魯肉竹筒飯和炸雞軟骨。侍應後來再推介加州卷，$3兩件，於是都要了兩件。魯肉竹筒飯算是最好的，醬汁甜甜地幾開胃，珍珠米幾好，但魯肉就唔多靚。炸雞軟骨幾脆，也算不錯。長壽司既三文魚唔太新鮮，比起田中甚至金田都差幾班。加州卷勁細，感覺有點馬虎。埋單$95，算係經經濟濟的一餐。